ما تحتاجة لتربية قط فى منزلك

تربية قطط فى المنازل

Scroll this

القطط من الطف الضيوف اللى ممكن تستقبلها فى بيتك وبعد فتره بتبقا جزء لا يتجزأ من العيله ،فرد منقدرش نستغنا عنه ودا لان القطط بتتميز ببعض الصفات اللى بتساعد الانسان على تربيتها زى الصبر القطط بتقدر تستحمل الجوع والالم لفتره معينه )، الذكاء لان القطط) تقدر تتواصل مع الانسان بلغه خاصه يعنى لو جعانه هتقدر تفهمك دا ،الهدوء عشان كدا مهما كانت مساحه بيتك مش هتحس بوجوده ،النظافه ودى من اهم
مميزات القطط واللى ناس كتير بترفض تربيه حيوانات اليفه فى البيت بسبب النظافه لكن القطط كائنات بطبعها نظيفه وتحب تعيش فى مكان نظيف، الوفاء ودا عكس رأى الاشخاص اللى مجربوش تربيه القطط ولكن القط بيبقا شديد التعلق جدا بصاحبه وعشان كدا لو استغنا الشخص عن القط بيرجع تانى لصاحبه مهما كانت المسافه اللى هيقطعها . والقطط من اكتر الحيوانات اللى بينجذب ليها الاطفال ودا لان القطط بتحب اللعب جدا عشان كدا مهم انه يكون متوفر مساحه خاصه فى البيت تقدر تلعب فيها بعيدا عن غرف النوم والمطبخ ..

        اما عن الاحتياجات الاساسيه لتربيه القط:

ليتر بوكس:يكون حجمه مناسب لحجم القط

صندوق قطط

الرمل: فى اكتر من نوع وافضلهم الكريستال

رمل قطط

جاروف: لتنظيف الرمل باستمرار

spade-20342_1280

 

فرشه : ودى بنحتاجها اكتر فى حاله القطط كثيفه الشعر

 

فرشاة تنظيف قطط

اطباق: بنحتاج طبقين من اى نوع للاكل والمايه

اطباق اكل للقطط

دراى فود: ودا فى منه انواع كتير وافضلها رويال كانون بس منقدرش نعتمد عليه

اكل قطط

كليا لازم القط ياكل اكل البيت زى(فراخ او لحمه مسلوقه ،بيض مسلوق،كبده فراخ مسلوقه…)

 

 

اهم حاجه نبعد عن اللحوم النيه زى اللانشون والبسطرمه .

 

لحوم نية للحيوانات
لحوم نية للحيوانات

ومن الضرورى تخصيص مساحه لمستلزمات القط ومساحه للعب والنوم
ومهم انها تكون جيده التهويه وبيدخلها ضوء الشمس ودا لصحه القط
ونظافه المكان وكل ما كانت المساحه المخصصه للقط اكبر كل ما كان افضل.
*لازم نجيب القطه اكبر من 50 يوم عشان تكون مفطومه
*طبيعى القط بيبقا خايف اول كام يوم ومش بياكل ولا يشرب وهيفضل مستخبى بس مع الوقت هياخد على المكان
*لازم تاخد القط وتخليه يشم الرمل عشان يعرف مكانه وميعملش فى اى مكان تانى
*ضرورى نسرح شعر القط يوميا عشان يقلل التساقط وكمان الشعر ميكلكعش ودا بالنسبه للقطط كثيفه الشعر زى الشيرازى
*لازم نغير المايه كل يوم او ع الاقل يوم اه ويوم لا عشان تفضل دايما نضيفه وناخد بالنا لو الجو حر نحاول نخلى المايه بارده الى حد ما
*الاكل يبقا مواعيد زى الانسان بالظبط يعنى فطار وغدا وعشا ولو نقدر نثبت مواعيد الوجبات
*ياريت ميبقاش الليتر بوكس قريب من مكان الاكل والمايه
*الاستحمام ودا من اصعب التجارب مع القطط خصوصا اللى مبتحبش المايه وفى الحاله دى بنبدأ ننزل مايه بسيطه على جسم القط ومع كل مره
الموضوع بيبقا اسهل والاستحمام فى الشتا بيبقا مره فى الشهر وفى الصيف مرتين .
* القطط بتطلب جواز عند سن 10شهور او سنه وبتختلف طريقه التعبير من الذكر للانثى ولكن بيشتركو فى تغيير سلوكهم
*مهم جدا اننا نواظب على تطعيمات القطط حفاظا على صحتها وصحه الاشخاص اللى حواليها وخصوصا الاطفال وبيبدأ التطعيم من سن شهرين وبعدها بيحدد الدكتور البيطرى مواعيد التطعيمات اللى بعدها
*ضوافر القطط :مشكله بالنسبه للاطفال ونقدر نقصها بس يفضل قصها اول مره عند الطبيب البيطرى ودا لان ليها طريقه معينه عشان متأذيش القط
*الريفليوشن و البارس ودا نوعين من محلول للحشرات بنستخدمه كل شهرين او تلاته على حسب نظافه المكان اللى فيه القط ودا بيتحط
فى منطقه عند الرقبه بحيث ميقدرش القط يوصله لانه سام ويفضل وضعه عند البيطرى
*الدورنتال ودى حبوب للديدان بتتكرر كل شهرين او تلاته والجرعه بيحددها الدكتور حسب وزن القط
*مهم جدا نظافه المكان اوالبيئه اللى عايش فيها القط وتكون جيده التهويه ويدخلها ضوء الشمس ومن الافضل وجود حديقه خاصه للمنزل عشان القط يقدر يلعب من غير ما يدخل غرف النوم او المطبخ او غرفه الطعام .