هو سعر متر التشطيبات كام ؟؟

Scroll this

سؤال بيرددة كل شاب مُقدم على تشطيب بيت الزوجية و من أهم ملامحة إنة يحمل مبدأ أحسن أرخص حاجة 🙂
بس خلينى أصدمك و أقولك هى للأسف مبتتحسبش كدة خالص … أيوة ليها إعتبارات كتير هنشرحها هنا و كمان هنشرح شركات التشطيبات و أنظمتها فى مصر سواء شركات المكتب الفنى أو التنفيذى أو حتى المقاول .
المكتب الفنى بإختصار شديد هو القائم بأعمال التخطيط و الدراسة و تحديد الاحتياج , يعنى سيادتك لما تحب تشطب تروح للمكتب الفنى دة و تقولة أنا عندى شقة مساحتها 100 متر على سبيل المثال و هو هينزل معاك يرفع المقاسات و يحدد معاك الفئة اللى أنت عاوز تشطب فيها و يبدأ ينفذ لوحات التخطيط سواء كانت لوحات التأسيس أو رسومات ال 3D اللى من خلالها بتبدأ تتعرف على شقتك بعد التشطيب هتبقى عمالة إزاى بما فى ذلك الالوان و الديكورات .
المكتب التنفيذى مهمتة لا تقل أهمية عن المكتب الفنى و دة بمجرد الانتهاء من لوحات التأسيس و الاتفاق على الشكل النهائى للمنزل بيبدأ ياخد اللوحات دى و ينفذها فى الشقة بالجودة المتفق عليها و بإشراف هندسى لضمان الجودة و كمان بيشرف على اختيار الخامات المستخدمة وفقا للفئة السعرية اللى أنت محددها مع المكتب الفنى .

نظام حساب التشطيبات بالمتر :

مهندس موقع

الاكثر إنتشاراً بس طبعا دة عمرة ما كان دليل على كفائة النظام هو بس أكثر ميولاً لثقافة الشعب , الناس كلها بتحب حد يقولها الشقة هتتكلف 100 ألف جنية مثلاً , و إعتماد النظام دة بيبقى على سعر للمتر يعنى فئة تشطيب معينة المتر فيها ب 500 جنية للمتر بيتم تسليم الشقة للشركة على الطوب الاحمر و تقوم الشركة بتشطيبها بناء على الفئة السعرية و تسليمها .
لكن النظام دة بيعتمد إعتماد كلى على ضمير المهندس المشرف او سياسة الشركة و من الوارد جدا يقلل فى بالجودة عشان يحقق أرباح أكثر ف يراعى دايما انة فى حالة إختيار نظام التشطيب بالمتر إضطرارياً يكون مفصل جدا كل البنود اللى فية بالاضافة الى أنواع الخامات المستخدمة سواء أرضيات كابلات مواسير مياة أو صرف و حاول تأكد على الأنواع دى جدا لأنها بإختصار أكثرها خامات مدفونة إما تحت الاسمنت أو السيراميك أو الارضيات و الحوائط بشكل عام , و يفضل مشاهدة نموذج من نماذج الفئة اللى أنت قررت تشطب على أساسها بحيث أن أنت تبقى متخيل الناتج لإختيارك دة هيكون شكلة إية بعيداًتصميمات ثلاثية الابعاد .

ذات صلة : أسس بيتك على زوقك

نظام ال Cost plus / او النسبة المضافة :

كوست بلس

الكوست بلس هو نظام مش جديد و لكن قليل جدا من الشركات اللى بتنفذة فى مصر و هو ان حضرتك بتتحاسب مع الشركة على اساس نسبة متفق عليها من اجمالى اللى اتصرف على الشقة او الفيلا عند حضرتك سواء مصروفات خامات أو حساب الايدى العاملة و دى افضل طبعا لان ممكن فى النظام السابق يقلل فى الخامات و فى جودة التنفيذ عشان يقلل التكلفة و يزود من أرباح الشغل و لكن نظام النسبة المضافة دة لية مخاطرة لانة ممكن يجيب خامات بسعر اقل من اللى فى الفواتير زى خصم مثلا و فى نفس الوقت ميبقاش واضح لحرضتك الفرق دة او ممكن يصرف اكتر فى حاجات لا تستدعى الصرف عشان النسبة المتفق عليها من الشغل تزيد لانة كل ما حضرتك هتصرف هو هياخد نسبة اكبر .
بس على حسب ردود فعل العملاء دة افضل نظام همة بيتعاملو معة بالنسبة لباقة الانظمة الموجودة .

نظام تشطيب الشقة بالمقاولة :
مقاول تشطيبات

الاسوء على الاطلاق ( طبعا دة مش تعميم على كل اللى فى سوق التشطيبات و لكن بنسبة كبيرة اعمالهم غير معتمدة
النظام قائم على العرض و الطلب , يعنى لو فى شغل كتير فى سوق التشطيبات اسعارهم عالية جدا و لو مفيش شغل كتير بتلاقى ارخص الاسعار بتجيلك لوحدها و كمان الجودة مظبوطة و دة بسبب انة لا يوجد تخطيط و لا استراتيجية معينة فى التنفيذ , النظام بيعتمد على رقم واحد يعنى حضرتك تجيب الشخص دة و تقولة هتاخد كام يقولك 50 الف جنية , لية ؟ عشان إية ؟ هيقدملك اية ؟ . كلة غير محدد بالظبط زى من ضمن البنود انة هيعمل جبس فى السقف و لكن غير محدد اذا كان أسقف معلقة و هتكون كام مستوى و زى انة هيعمل سيراميك او بورسلين و بردو لا محدد العلامة التجارية للمنتج و لا الصناعة و طبعا حضراتكم عارفين الموضوع دة بيفرق اضعاف الاضعاف و لكن بشكل عام ليهم السوق الخاص بيهم و ليهم الناس اللى بتحب التعامل معاهم و فى البعض منهم بينفذ اعمال فى شركات تشطيب غير قادرة على تنفيذها بالجودة و السعر دول .

لكل فئة اجتماعية خدماتها اللى تناسبها من حيث الجودة و الفئة السعرية للمنتجات و الخدمات و كل الشرح اللى فات لا يعمم سواء كان بالقبول لنظام تشطيب أو رفضة , المهم تختار اللى يناسب توقت التسليم و الحودة المطلوبة و كمان تكون فى متابعة على مراحل التنفيذ و اختيار الخامات .