مؤشرات عن مستقبل العقارات في مصر من معرض سيتي سكيب 2015

Scroll this

سيتي سكيب هو معرض عقاري عالمي بيتعمل في كذا مدينة منها دبي، جدة، أبوظبي، والقاهرة. الدورة السنة دي كالعادة كانت بتتعمل في أرض المعارض في مدينة نصر اللي جنب ستاد القاهرة.

مهمة المعارض عموما بجانب عرض أجدد المشاريع في أي قطاع إقتصادي أنها بتكون ملتقى لرجال الأعمال والشخصيات المؤثرة في كل مجال، بجانب أنها بتبين المجال الإقتصادي توجهه فين في المستقبل وده اللي هنحاول نستشفه من معرض سيتي سكيب عن مستقبل العقارات في مصر.

  • الدعاية عن المعرض السنة دي ركزت أكتر على الديجيتال سواء إعلانات على المواقع الإخبارية على الإنترنت أو على الفيسبوك والسوشيال ميديا. كلنا كمان شوفنا إعلانات عن المعرض على فيديوهات لأشهر القنوات المصرية على اليوتيوب.
  • ده يقدر يديك مؤشر عن توجه شركات الإستثمار والتطوير العقاري للدعاية على الإنترنت والتركيز عليها بجانب الدعاية العادية زي التليفزيون، الراديو، والبانرز (Banners) في الشوارع وده يرجع لأن كتير من الناس سواء شباب أو كبار أصبحوا بيقضوا نسبة كبيرة من وقتهم على الإنترنت.
  • بالرغم من أن معظمم الدعاية عن المعرض كانت على الإنترنت، المنصة اللي بيقعد عليها أغلب الشباب، لكن من خلال زيارة “عقار ناو” للمعرض وجدنا إن نسبة الزوار الشباب قليلة إذا قارنها بالأعمار التانية وده يرجع لنوعية المنتجات المعروضة في المعرض اللي مش بتناسب قطاع عريض من الشباب.
  • نوعية المنتجات العقارية المعروض تناسب فئة أو شريحة صغيرة جدا من السوق وهم أصحاب القدرة الشرائية العالية. وده يقدر يدينا مؤشر على نوعية الجمهور المستهدف من الشركات العقارية الكبرى في مصر.

معرض سيتي سكيب

  • عامل اخر برضو ساعد على غياب الشباب عن معرض سيتي سكيب 2015 هو غياب شركات التمويل العقاري والبنوك اللي بتقدم القروض الشخصية والقروض العقارية عن المعرض.
  • تركزت المشاريع المشاركة في المعرض في بعض المناطق المحددة. وده يعطيك مؤشر ثالث أننا مازالنا بنعاني من المركزية حتى في التوسعات العمرانية الجديدة. معظم المشاريع المعروض كانت في الساحل الشمالي، القاهرة الجديدة.
العقارت في القاهرة الجديدة
تتركز المشاريع العقارية في القاهرة بهذا المربع

على سبيل المثال: 90 أفينيو– التجمع الخامس

ميد تاون (Mid Town)- التجمع الخامس

سيتي جايت (City Gate)- القاهرة الجديدة

بلو كابيتال (Blue Capital)- القاهرة الجديدة

أمواج ، هاسيندا باي، ومراسي– الساحل الشمالي

تاج سيتي (Taj City)- القاهرة الجديدة

90 أفينيو

  • برضو ملاحظة كمان نقدر نستشف منها مستقبل السوق العقاري في مصر وهي ملاحظة واضحة جدا حتى لأي حد مش خبير وهي إنتشار ثقافة الكومباوند أو المجتمع السكني المغلق. تتجه معظم شركات التطوير العقاري الان لبناء مجتمعات سكنية مغلقة وده اللي كان ظاهر جدا في المعرض لان معظم المشاريع المعروضة كانت مجمعات مغلقة.

مشاريع الكمياوند في مصر

  • خلال زيارتنا لم نجد أي حضور للمستثمرين العرب أو الأجانب ودول فئة مستهدفة جدا من الشركات العقارية في مصر، ربما لقلق المستثمرين من الدخول في السوق المصري بسبب التوترات الأمنية، أو يمكن بسبب الأزمة المالية العالمية وإنخفاض سعر البترول، أو يمكن لسوء حظنا مصادفناش أي حد أجنبي أو عربي.
  • عنصر أساسي في معارض سيتي سكيب عموما هو المشاريع العقارية الخارجية أو Off-shore. يعني مثلا شركات بتعرض مشاريع عقارية في أسواق أوروبية مثل تركيا، البوسنة، صربيا، أو قبرص، أو حتى في دول جنوب شرق اسيا. العنصر ده كان غائب تماما عن معرض سيتي سكيب القاهرة اللهم إلا شركة واحدة أو اتنين.

طيب نستخلص من النقاط دي كام مؤشر سريعا كده.

  • شركات الإستثمار العقاري تتجه الان للدعاية على الإنترنت ودي بشرة سارة طبعا لمتخصصي التسويق الإليكتروني.
  • تجاهل كبار المطورون العقاريون في مصرللعميل الشاب , مش من إهتمامتهم لأن منتجاتهم بتخاطب فئة لديها قدرة شرائية أعلى ودول عادة بيكونوا أكبر في السن.
عقارات تركيا
القطاع العقاري بتركيا جاذب للمستثمرين العرب
  • لسه سوق التمويل العقاري والقروض أو الرهون العقارية في مصر في البداية ومحتاج يكون أنشط أكتر من كده لأنه هيساعد كتير أنهم يحصلوا على وحدات سكنية. طبعا مش محتاجين نذكر أن التمويل العقاري أصبح حل أساسي للتملك في كتير من دول العالم وحتى في الخليج.
  • التوسع العمراني في مصر والمشاريع العقارية الجديدة سواء بغرض السكن أو السياحة بتتركز في بعض الأماكن المحددة (القاهرة الجديدة-الساحل الشمالي). ولسةهنشوف مشاريع كمان في المناطق دي في المستقبل.
  • ربما سيقل إقبال المستثمرين الأجانب على السوق العقاري المصري في المستقبل مقابل توجههم لأسواق إقليمية أخرى أنشط مثل تركيا، لبنان، دبي.

 

سيتى سكيب 2015 – المطورون المشاركين